Është gjetur i pajetë 82-vjeçari Ali Avdolli, i cili ishte shpallur i humbur pasi ishte larguar pa adresë nga banesa e tij në prag të natës së ndërrimit të viteve. Pas disa ditësh kërkimesh, trupi i të moshuarit është konstatuar i vdekuar duke i trishtuar dhe duke e bërë edhe më të rëndë dhimbjen e familjarëve të tij.
Ende nuk dihen shkaqet e sakta të vdekjes dhe vendi ku 82 vjeçari u gjet i pajetë ,ndërsa pritet që organet kompetente të hedhin më shumë dritë mbi rrethanat e ngjarjes. Policia po vijon veprimet procedurale për zbardhjen e plotë të rastit.