Unioni i Gazetarëve Shqiptarë ka bërë publike sot përbërjen zyrtare të jurisë së konkursit të përvitshëm “Vangjush Gambeta”, një nga çmimet më prestigjioze të gazetarisë ekonomike në vend. Konkursi synon të nderojë profesionalizmin, analizën cilësore dhe kontributin që gazetarët ekonomikë i japin debatit publik dhe transparencës në tregun shqiptar.
Juria e vitit 2025 përbëhet nga emra të njohur të medias dhe profesionistë të fushës:
- Oljana Maloku – Kryetare e jurisë
- Kreshnik Kucaj – Anëtar
- Lorenco Rabeta – Anëtar
- Vedat Memedalija (Shkup) – Anëtar
- Agon Sinani (Kosovë) – Anëtar
Përzgjedhja e një jurie të përbërë nga ekspertë të brendshëm dhe rajonalë synon të garantojë vlerësim profesional, të paanshëm dhe të standardeve më të larta për të gjithë gazetarët pjesëmarrës.
Unioni i Gazetarëve Shqiptarë njofton se materialet konkurruese duhet të dorëzohen në adresën zyrtare të Unionit, si dhe në email-in: unioniigazetareve@gmail.com, deri më 5 dhjetor 2025.
Ky konkurs mbetet një mundësi e rëndësishme për të evidentuar punën dhe angazhimin e gazetarëve ekonomikë, në një kohë kur informimi i saktë dhe profesional është thelbësor për publikun dhe zhvillimin e tregut.
Zyra Informuese
Unioni i Gazetarëve Shqiptarë