Janë zhvilluar sot dy ndeshjet e para të javës së nëntë të Superiores. Bylisi ka regjistruar një fitore me shumë vlerë, duke mposhtur Vorën me rezultatin 2-1. Skuadra ballshiote del kështu nga zona e ftohtë dhe i jep vetes frymëmarrje për vazhdimin e kampionatit.
Në ndeshjen tjetër, Egnatia mjaftohet me vetëm një gol për t’i shkaktuar humbjen Teutës dhe për të marrë tre pikë të arta. Kjo fitore e çon ekipin rrogozhinas vetëm një pikë larg kryesueses Vllaznia, duke e bërë garën për kreun edhe më të ndezur.
Aktualisht në zonën e ftohtë gjenden Flamurtari, Tirana dhe Partizani, të cilat do të luajnë nesër ndeshjet e tyre të javës së nëntë. Kjo është java që mbyll fazën e parë të kampionatit, çka e bën presionin edhe më të madh.
Ndeshjet e ditës së nesërme
- Partizani – Dinamo (Derbi i kryeqytetit, betejë për rikthim tek fitorja)
- Tirana – Elbasani (Bardheblutë kërkojnë shpëtimin nga fundi)
- Vllaznia – Flamurtari (Shkodranët mbrojnë kreun përballë një skuadre në hall)