Kandidati i pavarur për bashkinë e Tiranës, Florjan Binaj ka deklaruar sot se Kryeministri Rama u merr 140 milionë euro qytetarëve duke i bindur se po bën incinerator. Përmes një postimi në rrjetin social Facebook, Binaj i është përgjigjur etiketimit që i bëri Kryeministri gjatë podcastit të tij “Flasim”.
Rama e quajti Binaj “një aktor që të bën për të qeshur”. Në lidhje me këtë, Florjan Bindaj shkruan në reagimin e tij se aktori më i madh në Shqipëri është Edi Rama, i cili sipas tij u merr 140 milionë Euro qytetarëve duke i bindur se po bën incenerator.
Mesazhi i Florjan Binaj
Aktori më i madh në Shqipëri është Edi Rama, që u merr 140 milionë Euro qytetarëve duke ” i bindur” se po bën incenerator pa vënë asnjë tullë! Prestigjator!