Elbasani rikthehet te fitorja pas tri javësh, në një ndeshje plot emocione, tension dhe me VAR-in protagonist ndaj Bylisit. Verdheblutë triumfuan minimalisht 2-1, falë dopietës së Diallos, i cili realizoi fillimisht me goditje dënimi dhe më pas nga pika e bardhë, pasi fitoi vetë penalltinë.
Bylisi luajti për shumë minuta me një lojtar më pak, por arriti të ngushtojë shifrat në pjesën e dytë me anë të Markut. Megjithatë, përpjekjet e miqve nuk mjaftuan për të shmangur humbjen. Elbasani, përveç fitores, mori edhe një “kusur” kartonësh — një lumë të verdhash dhe një të kuq për Ibrahim Abas në minutat e fundit të takimit.
Në përfundim, Elbasani arkivon tri pikë të rëndësishme dhe ngjitet në kuotën e 14 pikëve, duke u larguar për momentin nga kriza, ndërsa Bylisi mbetet me 6 pikë në renditje.