Sulmet intensive me dronë dhe raketa ruse në qytete të Ukrainës kanë lënë të paktën gjashtë të vdekur, përfshirë dy fëmijë. Presidenti Volodymyr Zelensky bëri me dije se 21 persona të tjerë u plagosën gjatë sulmeve.
Disa orë më parë, Presidenti i SHBA-së, Donald Trump, njoftoi se planet e tij për një samit të afërt në Budapest me Vladimir Putinin janë shtyrë, duke mos dashur një takim pa rezultat.
Kremlini ka refuzuar thirrjet për armëpushim përgjatë vijave të frontit, të bëra si nga Trump, ashtu edhe nga udhëheqësit evropianë.
Ndërkohë, ushtria ukrainase raportoi se ka sulmuar një uzinë kimike ruse në rajonin kufitar të Bryansk-ut, vonë të martën, me raketa Storm Shadow të furnizuara nga Mbretëria e Bashkuar.