Ekipi i të rinjve U19 në volejboll për meshkuj e ka nisur në mënyrën më të mirë të mundshme sezonin e ri, duke mposhtur Partizanin me një fitore dramatike 3-2. Një ndeshje e fortë, me emocione dhe kthesa, ku djemtë verdheblu treguan karakter, vullnet dhe shpirt gare deri në pikën e fundit.
Të udhëhequr nga trajneri i mirënjohur Andi Miraku, skuadra e Elbasanit po tregon se puna e bërë gjatë fazës përgatitore po jep rezultat. Miraku ka ndërtuar një grup të bashkuar, ambicioz dhe me dëshirë për të ecur përpara, duke u fokusuar si në zhvillimin teknik të lojtarëve, ashtu edhe në forcimin e karakterit të skuadrës.
Kjo fitore e parë është një sinjal i qartë se Elbasani U19 është gati të konkurrojë denjësisht në çdo ndeshje të kampionatit. Energjia e djemve, bashkë me frymën e skuadrës që ka krijuar stafi teknik, premtojnë një sezon të suksesshëm dhe plot emocione për tifozët verdheblu.
