Një paketë investimesh prej 150 miliardë paundësh nga Shtetet e Bashkuara u shpall dje gjatë vizitës shtetërore të presidentit Donald Trump në Mbretërinë e Bashkuar. Qeveria britanike e cilësoi këtë si marrëveshjen më të madhe të këtij lloji, duke e përshkruar si një zhvillim historik në marrëdhëniet tregtare mes dy vendeve, raporton BBC.
Sipas autoriteteve britanike, marrëveshja pritet të krijojë 7,600 vende të reja pune me cilësi të lartë në sektorë të ndryshëm të ekonomisë.
Kryeministri Keir Starmer theksoi se kjo është një dëshmi e premtimit të tij për “vende pune, rritje dhe mundësi”. Megjithatë, shifra mbetet modeste në krahasim me 160 mijë vendet e humbura të punës gjatë vitit të kaluar.
Kjo marrëveshje u njoftua pak pas lajmit për investime të reja miliardëshe nga gjigandët e teknologjisë Microsoft dhe Google, të cilat gjithashtu u lidhën me vizitën e Trump në Britani.