Rreth 1,000 skiatorë gdhendën një zemër gjigante në dëborë në një pistë të turneut botëror në Crans-Montana, duke i bërë homazh viktimave të zjarrit vdekjeprurës të javës së kaluar në vendpushimin zviceran.
Zjarri shpërtheu në orët e para të natës së Vitit të Ri në barin Le Constellation, duke u përhapur me shpejtësi dhe duke lënë një bilanc tragjik prej 40 të vdekurish dhe 116 të plagosurish.
Aksioni simbolik u mbajt fillimisht në pistën Bellalui, e njohur për organizimin e starteve të garave zbritëse të Kupës së Botës për meshkuj, dhe më pas u zhvendos në zonën aty pranë të Chetseron.
Iniciativa u organizua nga shkolla e skive Crans Montana në bashkëpunim me klubet lokale të skive dhe me mbështetjen e agjencive lokale të turizmit. Shumica e pjesëmarrësve ishin fëmijë, të cilët fillimisht ishin planifikuar të merrnin pjesë në garat e planifikuara për të njëjtën ditë.
Sipas organizatorëve, lëvizja e solidaritetit mblodhi mbështetje të fortë nga i gjithë komuniteti alpin, duke dërguar një mesazh solidariteti për të prekurit dhe familjet e viktimave.